Müğənni Mina Hüseyn paylaşımı ilə diqqət çəkib.

OLAY yazır ki, ifaçı illər əvvəl oxuduği “Hər şey istəyirəm” mahnısından bir hissəni instaqramda izləyiciləriylə bölüşüb.

“Bu günü yaşadana şükür. 16 yaşımda dediklərimin eynisini necə birə-bir yaşamaq olar ki. Cənab Ali Baş komandanımız, təşəkkür edirik,! Müzəffər ordumuz, təşəkkür edirik! Şuşa, mən sənə heyranam. Azərbaycan Respublikasının gözəl sənətkarları, səhnəniz möhtəşəm idi. Zeynəb xanım (red. – Xalq artisti Zeynəb Xanlarova), Polad müəllim (red. – Xalq artisti Polad Bülbüloğlu), sizi çox sevirəm. Allah Azərbaycanı qorusun”, - deyə, o, paylaşımında yazıb.

Qeyd edək ki, sözügedən mahnıda “İstəyirəm ki, Şuşada bir möhtəşəm konsert olsun. İfaçılar sırasında Polad olsun, Zeynəb olsun” ifadələri səslənir.

Xatırladaq ki, Xarıbülbül festivalının dünən baş tutan açılışında Zeynəb Xanlarova və Polad Bülbüloğlu səhnə alıb.