İnsident zamanı döyülən sürücü gənc tiktokerdir? - Video

Bakının Binəqədi rayonu ərazisində baş verən insidentdə nömrə oxşarlığı müzakirələrə səbəb olub. Belə ki, Şahin adlı tiktokerin də avtomobil nömrəsi 500 olması sosial media istifadəçilərini çaşdırıb. Lakin məlum olub ki, hadisənin onunla heç bir əlaqəsi yoxdur. Şahin adlı tiktokerin avtomobilinin seriya nömrəsi fərqlidir.
***
Bakının Binəqədi rayonu ərazisində bir neçə nəfərin sürücünü döyməsinin bəzi detalları məlum olub.
Döyülən şəxs təqsirləndirilənlərdən birinin xanımına sataşıb. Buna görə də aralarında mübahisə yaranıb. Mübahisə zamanı döyülən şəxs avtomobillə onunla söhbətə gələnlərin avtomobilini vuraraq qaçıb.
Təqsirləndirilən şəxslər onun arxasınca düşərək tıxacda saxlaya biliblər. Aqressivləşən şəxslər sürücünü döyməyə başlayıb.
Məlumata görə, döyülən şəxs “TikTok” istifadəçisi olub. Sosial şəbəkə vasitəsilə həmin şəxslərdən birinin xanımına mesaj yazıb.
Xatırladaq ki, hadisəyə görə 3 nəfər (Natiq Mustafakamalov, Vahid Cavadov, Nazim Rəhmanov) məsuliyyətə cəlb edilib. Onlar barəsində məhkəmə qərarı ilə ev dustaqlığı qətimkan tədbiri seçilib.
Qeyd edək ki, məsuliyyətə cəlb edilənlər ticarətlə məşğul olurlar və onlar daha əvvəl cinayət məsuliyyətinə cəlb edilməyiblər. / Musavat.com