“Ərindən boşanan, həbsdən çıxan gəlir ki… Mənə 100 şər atırlar” - Əməkdar artist şadlıq evini niyə satıb? - Özü açıqladı

30 May 2024
6657f93484508202405245740
6053

Əməkdar artist Yusif Mustafayev "Həmin Zaur" verilişində qonaq olub.

Show.az Axşam.az-a istinadən xəbər verir ki, proqram zamanı sənətçi aparıcı Zaur Kamalın "Doğrudur ki, Cəlilabaddakı məscidin tikintisi üçün insanlardan 30 min almısınız və qalan məbləği özünüz qoymusunuz" sualına belə cavab verib:

"O məsid var idi, dağılmışdı. İnsanlarla imza topladıq, qurumlara müraciət etdik. Onlar da, insanlar da yardım etdilər. Bu söhbətə görə 5 ay efirə çıxmayacaqdım. Pul məsələsini burada açmaq düzgün deyil. Kim nə istəyirsə, danışsın. Kim nə veribsə, Allah yolunda edib. Milətimiz yaxşıdır, amma aramızda olan naqislər mərdi qova-qova namərd edirlər. Amma 100 il sonra deyəcəklər ki, belə bir insan olub, Allah ona rəhmət eləsin.

Uzaqdan baxan elə bilir ki, "Kamaz"larla pulum var. Tövbə, yoxumdur. Allah ruzimi verir. Oturduğum yerdə toya gedirəm. Əziyyətlə Bakıda şadlıq evi tikdirmişdim. Orada qohumlar işləyirdi. Ərindən boşanan, həbsdən çıxan gəldi ki, yardım elə. Ona görə satdım. Şadlıq evinin adı var idi, bina görünürdü, içində heç nə yox idi. İnan ki, üzümün tükü yoxa çıxmışdı, kosa qalmışdım. Mənə 100 şər atırlar. Qurban olum Azərbaycan dövlətinə. Hamının nə işlə məşğul olduğunu yaxşı bilirlər".