Aylıq 70 min qazanıram deyən Aysundan şok sözlər: Evim səviyyəli yerdədir

06 Aprel 2025
67f19aef2ca58202504250447
1145

Müğənni Aysun İsmayılova bir neçə gündür aylıq qazancının müzakirə olunmasına münasibət bildirib.
Bu barədə o, instaqramda video paylaşıb.
Aysun ad çəkmədən onun aylıq qazancını müzakirə edən həmkarına cavab verib:

“Bəzilərini mənim aylıq qazancım narahat edirmiş. Efirdə də dedim ki, bu, hər ay belə olmur. Amma çox vaxt belə alınır. Mən nə edim ki, sənin bütöv toya getdiyin qiymətə mən yarım saat oxuyuram. İkincisi də kirayə qalmağımın səbəbi kefimin belə istəməyidir. Heç sənin maşınının aylıq kredit ödənişi mənim kirayə pulum qədər deyil. Başa düşürsən, mən necə yerdə qalıram?

Mənim evim şəhərin mərkəzindədir, çox tanınmış şirkətlə təmir edirik. Yolüstü materiallarla yox, nə vaxt istədiyim kimi lüks hazır olacaq, orada yaşayacam. Səni də qonaq çağıracağam, gör, ev təmiri necə olur?
Ev də olanda gərək səviyyəli yerdə olsun. Mənə görə narahat olma”. Qeyd edək ki, Aysun aylıq gəlirinin 70 min manat olduğunu deyib. / Bizim.media